Englaskottin

Mælingar fyrir taubleyjustærðir

Það er góð hugmynd að mæla barnið þitt áður en þú verlslar taubleyjur á það. Stærðir einnota bréfbleyja eru byggðar á kílóafjölda en taubleyjur koma oft í stærðum small, medium, large o.s.frv. Þó er farið að verða svolítið um það að taubleyjur séu "one size" þ.e. eiga að passa á börnin út bleyjutímabilið.Taubleyjumælingar byggjast á því að mæla ummál læra, ummál mittis og svo hvert klofmálið er. Svona er fer þessi mæling fram:

Mitti: Mittið er mælt einfaldlega með því að vefja málbandinu utan um mitti barnsins. Athugið að mismunandi taubleyjutegundir eiga að sitja mishátt á mitti barnanna, sumar eiga að vera í kringum naflann en aðrar eru svokallaðar "low-rise" bleyjur sem liggja aðeins neðar. Dæmi um "low-rise" bleyju er Dream-Eze fitted.

Læri: Vefðu málbandinu um læri barnsins þar sem það er þykkast fyrir neðan nára. Passaðu þig á því að hafa málbandið ekki of slakkt til að fá sem réttasta mælingu.

Klofmál: Þetta er oft mikilvægasta mælingin því ekki er hægt að lengja eða stytta þennann part bleyjunnar(nema um "one-size" bleyju sé að ræða). Aftur á móti eru flestar bleyjur frekar stillanlegar um mitti og læri. Til að mæla klofmál barnsins þá byrjarðu á því að leggja enda málbandsins rétt neðan við naflann, þræðir það milli læranna og endar svo að aftan í sömu hæð og þú byrjaðir að framan.

Gangi ykkur vel!