Englaskottin

Vasableyjurnar eru eitt vinsælasta taubleyjukerfið í dag. Þær eru þannig gerðar að yst er vatnshelt efni, oftast er notað efni sem kallað er PUL.Innan í bleyjunni er síðan efni sem hleypir vætu vel í gegnum sig t.d. flís efni, þessi hluti bleyjunnar liggur síðan næst barninu. Bleyjurnar eru svo saumaðar þannig að það er op öðru hvoru eða báðum megin á bleyjunni. Í þetta op eru síðan sett rakadræg innlegg. Þegar skipt er á barninu eru bæði vasinn og innleggið sett í þvott. Hægt er að stjórna rakadrægni bleyjunnar með fjölda innleggja.

Hér eru myndrænar útskýringar um það hvernig vasableyjur virka:

Ytra lag bleyjunnar, úr vatnsheldu PUL efni.

Innra lag bleyjunnar, úr gegndræpu flísefni. Þetta lag liggur upp við barnið þegar bleyjan er komin á.

Vasi sem í er sett rakadrægt innlegg.

Innleggi komið fyrir í vasableyjunni.